Inihahanda na ang pag-uuwi sa labi ng Pinay na pinatay ng kanyang asawa sa Slovenia.
Ayon kay Department of Foreign Affairs Undersecretary Eduardo De Vega, nakikipag-ugnayan ang Philippine Embassy sa Vienna tungkol sa repatriation ng labi ni Marvil Facturan.
Matatandaang pinatay si Facturan, 27-anyos ng kanyang asawang Slovenian, na si Mitja Kocjancic, habang nasa bakasyon sa Bled, Slovenia noong December 29, 2024.
Batay sa ulat may history ng mental health problems ang suspek na naaresto at dinala sa psychiatric hospital.
Kinondena ng Commission on Filipinos Overseas ang pagpatay sa Pinay ilang araw lamang matapos ang pasko noong nakaraang taon. – Sa panulat ni Jeraline Doinog
