Sugatan ang isang 40-anyos na konsehal ng Masbate City matapos itong pagbabarilin sa kanyang compound sa Barangay Espinosa.
Ayon sa pamilya ng konsehal, nasa duyan ang biktima nang dumating ang dalawang suspek at pinagbabaril.
Nadakip ang dalawang suspek sa checkpoint ng pulisya at nakumpiska sa mga ito ang isang .38 caliber revolver, magazine, kutsilyo, at mga bala.
Nasa kustodiya na ng pulisya ang mga suspek habang patuloy ang imbestigasyon sa kaso upang matukoy ang motibo.
Naniniwala ang pamilya ng biktima, na posibleng may kinalaman sa pulitika ang pamamaril.
