Patay ang tatlong magbabarkada matapos sumalpok ang kanilang sinasakyang sports car sa isang pickup truck sa Cagayan de Oro sa Misamis Oriental, kagabi.
Batay sa imbestigasyon ng mga otoridad, mabilis ang takbo ng sports car nang bigla itong lumipat sa kabilang lane at nasalpok ng paparating na pickup truck.
Napag-alaman ding hindi naka-seatbelt ang mga biktima.
Nagtamo naman ng mga sugat ang driver ng pickup.
