Nasamsam ng mga awtoridad ang tinatayang 50 milyong pisong halaga ng umano’y shabu mula sa isang drug suspect sa Barangay Cubacob, Mandaue City.
Ang operasyon laban sa 24-anyos na suspek na si Charlie Fortuna ay pinangunahan ng Regional Intelligence Division sa Central Visayas o RID-7 at Regional Special Operations Group sa Central Visayas o RSOG-7.
Nakakumpiska rin ang mga pulis ng ilang piraso ng nubain ampules na isang uri ng narcotic pain killer mula kay Fortuna.
Itinanggi naman ni Fortuna na sa kanya ang mga nakuhang droga.
Inihahanda na ang kaukulang kasong isasampa laban sa suspek.
