Isang cargo vessel ang nasunog habang lumalayag sa karagatang bahagi ng Marikaban Island sa Batangas.
Ayon kay Philippine Coast Guard (PCG) Spokesman Commodore Armand Balilo, nakatanggap ng tawag ang PCG command center mula sa BRP Tubbataha kaugnay sa sunog sa MV Moreta Venture kaninang alas 4:53 ng umaga.
Sinabi ni Balilo, agad namang rumesponde sa lugar ng insidente ang BRP Boracay gayundin ang isang helicopter ng Philippine Coast Guard.
Pagtitiyak pa ni Balilo, ligtas at nasa maayos nang kalagayan ang lahat ng opisyal at tripulanteng sakay ng MV Moreta Venture.
Pasado alas otso naman ng ideklara nang fire out ang sunog sa barko.
