Nabundol at inararo ng van ang 3 katao habang tumatawid sa pedestrian lane sa bayan ng Carmona, Cavite
Dahil sa impact, isa ang nasawi at dalawa ang sugatan sa insedente
Kinilala ang nasawi na si Jemerine Bombani, 29-anyos, habang inoobserbahan sa pagamutan sina Sheryl Cantuba, 45- anyos at Burlett Sevilla 48- anyos
Batay sa ulat ng pulisya, magkakasabay na tumatawid ang 3 biktima sa pedestrian crossing sa sa kahabaan ng Governor’s Drive sa Brgy. Mabuhay ng nasabing bayan nang araruhin ng humaharurot na closed van na minamaneho ni alyas Fernando 30- anyos.
Sa lakas ng impact ay tumilapon ang mga biktima.
Nabatid na may kabilisan ang takbo ng nasabing van kung kaya hindi nakayanan ng preno nito at dire-diretsong naararo ang mga biktima.
Nakakulong na ang driver ng van at nahaharap sa kaukulang kaso
