Nagbabala sa publiko ang Government Service Insurance System (GSIS) hinggil sa mga scammer na gumagamit ng pekeng Facebook Page, profile, at pangalan ng kanilang ahensya.
Ayon sa GSIS, isa lamang ang official facebook page ng kanilang ahensya na mayroong blue verification badge na nagpapatunay na lehitimo ang kanilang page.
Iginiit ng ahensya na hindi sila humihingi ng sensitibong impormasyon tulad ng one-time password, card verification value, personal identification number, at iba pang impormasyong nakasulat sa GSIS card sa kanilang mga miyembro at pensioner.
Nagpaalala naman ang GSIS na sakaling may kahina-hinalang aktibidad, agad itong i-report sa contact center ng kanilang ahensya na makikita sa kanilang website at Facebook account.
