Arestado ng mga otoridad ang isang lalaki makaraang magpaputok ng baril sa Sampaloc, Maynila.
Kinilala ng mga tauhan ng Manila Police District (MPD) Station-4 ang suspek na si Leonardo Colana, 69-anyos.
Ayon sa mga otoridad, hinuli ang suspek matapos maaktuhang nagpapaputok ng baril sa labas ng kanilang bahay.
Nakumpiska kay Colana ang isang caliber .38 na baril na kargado ng isang bala kasama ang limang basyo ng bala.
Napag-alaman na ang ginamit na baril ni Colana ay walang kaukulang dokumento kung saan, inaalam na kung paano at kung saan ito nakuha ng suspek na ngayon ay nahaharap sa kaukulang kaso.
