May bago nang isolation facility ang National Capital Region Police Office (NCRPO) para sa kanilang mga tauhang nagpopositibo sa COVID-19.
Pinangunahan ni PNP Chief P/Gen. Debold Sinas ang pagpapasinaya sa limang container van na ginawang isolation facility at mayroong 10 bed capacity na matatagpuan sa Camp Bagong Diwa sa Taguig City.
Mayruon din itong sariling palikuran, oxygen at aircon unit na nakadisenyo para sa mga babaeng pulis na nagdadalang tao, may nakasalamuhang COVID-19 positive at nakararanas ng mild symptoms tulad ng hirap sa paghinga.
Dito mananatili ang mga nasabing pasyente habang naghihintay silang magkarooon ng bakante sa mga ospital upang doon ay bigyan ng mas komprehensibong gamutan.
TINGNAN: Bagong NCRPO Isolation facility blessing pinangunahan ni PNP Chief PGen. Debold Sinas kasama ang ilang opisyal ng PNP | via @jaymarkdagala pic.twitter.com/hvPY8gGS6Y
— DWIZ Newscenter (@dwiz882) November 29, 2020
