Nanganganib na isara rin sa turismo ang dalawa pang lugar sa bansa dahil sa hindi tamang pagtatapon ng basura.
Tinukoy sa ulat ang Siargao Island sa Surigao del Norte at ang Coron sa Palawan.
Nalagay sa spotlight ang mga resorts sa mga isla sa bansa matapos magbanta ang Pangulong Rodrigo Duterte na ipasasara nya ang Boracay Island dahil sa hindi maayos na pagtatapon ng dumi.
Limampu’t isang (51) establisimiyento na sa Boracay ang pinadalhan ng non-compliance notice ng Department of Environment and Natural Resources o DENR at tuluyang ipasasara kung hindi makakatupad sa loob ng dalawang buwan.
—-