Pinaalalahanan ng Philippine Embassy sa Washington DC ang mga Pilipino roon na mag-ingat sa gitna ng malawang winter storm na nagaganap sa bansa.
Sa abisong inilabas ng embahada sa kanilang twitter account, pinayuhan nito ang mga Pilipino na i-monitor ang panahon at maghanda sa epekto nito.
Alinsunod ang babala sa sinabi ng National Weather Service (NWS) kung saan halos kalahati ng populasyon sa Amerika ang maaapektuhan ng massive winter storm
Dahil dito, asahan na ang pagbuhos ng snow kasabay ng malakas na hangin at mababang temperatura.
Hinimok naman ng embahada sa Washington DC ang mga Pilipino na makipag-ugnayan sa numerong (202) 368-2767 o (202) 769 8049 kung nangangailangan ng tulong.