Pinaghahanap na ngayon ang isang Pinoy na miyembro ng crew ng isang barkong pangisda ng Taiwan.
Ito ay matapos mawala ang Pinoy nitong weekend matapos masunog ang pinagta-trabahuhan nilang barko habang nangingisda sa Northern Pacific Ocean.
Hindi naman pinangalanan ang nasabing Pilipino na lulan ng Taiwanese fishing vessel na Hsiang Ching kasama ang 48 pang crew.
Ayon sa fisheries agency sa ilalim ng council of agriculture, nailigtas nila ang lahat ng sakay ng barko maliban sa Pinoy.
Hindi naman tumitigil ang pamunuan ng Taiwanese fishing vessel upang mahanap ang kababayan nating nawawala.
