Isinailalim na sa state of calamity ang Tuguegarao City dahil sa naranasang matinding pagbaha na dulot ng mga nagdaang bagyo.
Inaprubahan ng mga miyembro ng city council ang resolusyon para sa naturang deklarasyon alinsunod sa rekomendasyon ni Mayor Maila Ting-Que at ng City Disaster Risk Reduction and Management Council.
Ayon kay Mayor Ting-Que, dahil dito ay mapapabilis ang paghahatid ng tulong sa mga nasalantang pamilya.
Sa ngayon ay hindi pa matukoy ng mga otoridad kung magkano ang halaga ng pinsalang idinulot ng mga bagyo sa siyudad.
