Tinawag na “premature” ng Private Hospitals Association of the Philippines Incorporated (PHAPI) ang planong luwagan pa ang facemask policy sa indoor settings.
Ayon kay PHAPI President Dr. Jose de Grano, ang boluntaryong pagsusuot ng face mask sa indoor spaces ay maaaring magresulta sa pagiging complacent ng publiko ngayong may banta pa rin ng COVID-19.
Sinabi pa ni de Grano na maaaring magkaroon ng konsepto na malaya na ang bansa laban sa nakahahawang sakit.
Maaari ring hindi ma-handle ng mga ospital ang pagkakaroon ng COVID-19 surge dahil sa kakulangan ng manpower.
Nanawagan na lamang si de Grano sa publiko na patuloy pa ring sumunod sa mga inimpose na health protocol partikular ang pagsusuot ng mask sa loob at labas ng kanilang mga bahay. – sa panulat ni Hannah Oledan
