Aabot sa dalawampu’t walong pasahero ang naiulat na namatay habang labing anim ang sugatan matapos mahulog ang pampasaherong bus sa isang bangin sa bayan ng Hamtic, Antique.
Batay sa inisyal na imbestigasyon ng Hamtic Police, limampu’t tatlo ang sakay ng nasabing bus na galing sa Iloilo City at pabalik na sana sa lalawigan ng Antique nang mangyari ang aksidente.
dahil dito, kaagad na ipinag-utos ni Governor Rhodora Cadiao sa mga rescuers na huwag tumigil sa pagrescue sa mga pasahero hangga’t hindi nakukuha ang lahat ng pasahero ng bus.
Ito na ang pangalawang pagkakataon na may nahulog na sasakyan sa nasabing “mountain highway”.
