Binigyang pagkilala ng isang shopping mall ang isang janitor sa Pangasinan matapos magsauli ng bag na may lamang mahigit 150,000 cash.
Kinilalang ang staff na si Dexter Madriaga, 37-anyos na nakapulot sa nasabing bag sa Isnag Shopping Mall sa Rosales kamakailan.
Ayon kay Madriaga, naglilinis siya sa men’s fitting room nang mapansin ang isang bag na naglalaman ng susi ng kotse, pitaka, iba’t ibang automated teller machine o atm cards, cellular phone at cash na P153,000.
Sinabi ni Madriaga na kahit kailangan niya ay hindi siya natukso sa pera dahil alam niyang hindi sakaniya nanggaling pagod at pawis na inilaan para rito kaya niya itong dinala sa security personnel’s office na mabilis ding kumontak sa may-ari ng bag.
Dahil sa ipinakitang kabutihan ni Madriaga ay nakatanggap ito ng gantimpala mula sa may-ari ng bag.
Hinikayat naman ni Madriaga ang mga kasamahan sa trabaho na magsipag at maging tapat sa serbisyo upang mapanatili ang dignidad.
