Aabot sa 38,445 na kababaihan ang nakinabang sa libreng sakay ng MRT-3 kahapon bilang pagdiriwang ng National Women’s Day.
Sinabi ni MRT-3 OIC-General Manager Asec. Eymard Eje na ang nasabing programa ay bilang pagkilala sa natatangi at hindi matatawarang kontribusyon ng mga kababaihan sa lipunan.
Aniya, simpleng paraan ito ng ahensya upang makapaghatid ng kasiyahan sa mga kababaihan sa kanilang espesyal na araw.
Ang libreng sakay para sa mga kababaihan kahapon ay mula alas-siyete hanggang alas-nuebe ng umaga at mula alas-singko ng hapon hanggang alas-siyete ng gabi.
