Dinagsa ng mga pasaherong uuwi ng probinsiya ang Parañaque Integrated Terminal Exchange (PITX) ilang araw bago ang Pasko.
Sa panayam ng DWIZ, sinabi ni PITX Corporate Affairs Head Jason Salvador na nito lamang Lunes ay umabot sa 105,000 ang bilang ng mga pasahero at inaasahang madadagdagan pa ito sa mga susunod na araw.
Tiniyak naman ni Salvador na nasusunod ang health protocols kontra COVID-19 at fully vaccinated na ang lahat ng kanilang personnel.
