Sinusuri pa ng gobyerno kung mayroon pang mga nasirang bakuna sa paghagupit ng bagyong Odette sa Visayas at Mindanao.
Ayon kay Vaccine Czar Carlito Galvez Jr., sa ngayon ay nasa isandaang vials ng Pfizer vaccines ang nasira sa isang warehouse sa Bingawan, Iloilo.
Gayunman, maliit lamang anya ang ito dahil bago pa man tumama ang bagyo ay ipinag-utos na nila ang safe keeping ng mga bakuna.
Tiniyak naman ni Galvez na maaabot pa rin ng pamahalaan ang target nitong 54 million fully vaccinated na Pilipino laban sa COVID-19 sa pagtatapos ng taon.
Ito’y kahit kinansela ang vaccination activities sa mga lugar na naapektuhan ng bagyong Odette.
