Inihayag ni Department of Health (DOH) Secretary Francisco Duque III, na hindi siya dadalo sa pagdinig ng Senate Blue Ribbon Committee ngayong araw.
Sinabi ni Duque na maging ang mga representante ng kagawaran ng kalusugan ay hindi din makadadalo sa gagawing imbestigasyon ng senado.
Ito ay matapos ang naging abiso ng Malacañang kung saan, base sa memorandum order na pinirmahan at ipinadala ni Pangulong Rodrigo Duterte kung saan, hindi pinadadalo ang kanyang mga cabinet officials sa nasabing imbestigasyon.
Ayon kay Duque, makadadalo lamang siya sa nasabing pagdinig kung babaguhin ang desisyon na nakasaad sa memo. —sa panulat ni Angelica Doctolero
