Bawal nang magtungo sa Manila Bay Dolomite Beach ang mga batang dose anyos pababa simula ngayong araw.
Ayon sa Department of Environment and Natural Resources (DENR) alinsunod ito sa direktiba ng Inter-Agency Task Force (IATF) at bilang suporta na rin sa pagsisikap ng gobyerno laban sa COVID-19.
Una rito, sinabi ng Department of Health na ang pagsisiksikan ng mga tao sa dolomite beach ay paglabag sa alituntunin na itinakda ng IATF partikular ang pagpapanatili ng physical distancing.
Samantala, sinabi pa ng DENR na pansamantalang isasara ang dolomite beach mula Oktubre 29 hanggang Nobyembre 3, 2021 bilang paggunita sa All Saints’ Day at All Souls’ Day. —sa panulat ni Hya Ludivico
