Plano ni Davao City Mayor Sara Duterte na magtayo ng tatlong coronavirus disease 2019 (COVID-19) testing laboratories sa tulong ng Marikina City.
Ayon sa alkalde, kailangan makapag tayo ng COVID-19 testing laboratories lalo’t ang Southern Philippine Medical Center pa lamang ang inaasahan sa rehiyon na kumpleto ang mga kagamitan.
Noong aniya ang focus nila ay para maipataupad ang mga control measure gaya ng panatilihin sa kani-kanilang bahay ang mga residente at iwasan ang paglabas ng mga ito para maiwasan ang pagkalat ng sakit.
Ngayon umano ay target naman nila na maparami ang COVID-19 testing laboratories sa Davao City upang matugunan ang mga pasyenteng nakakaramdam ng mga sintomas ng sakit.
Pinili umano ng alkalde na makatuwang ang Marikina City dahil sa pagtatayo rin nito ng kanilang sariling testing laboratories.
