Tinukoy ng National Task Force against COVID-19 ang ilang highly urbanized na siyudad at rehiyon na bubuhusan ng mga bakuna kontra COVID-19.
Layon nito na makamit ang target na 1 milyon hanggang 1.5 milyong jabs kada araw.
Ngunit ayon kay COVID-19 Testing Czar Secretary Vince Dizon, hindi pa isasapubliko ang mga lungsod na kabilang sa listahan.
Makakatanggap ang mga lungsod ng hindi bababa sa 500,000 doses kada araw ngayong buwan at itataas pa ito sa 800,000 doses pagdating ng Nobyembre.—sa panulat ni Hyacinth Ludivico
