Malinaw at categorical para sa Blue Ribbon Committee na ang Grand Conspiracy sa kwestyunableng transaksyon sa pagbili ng gobierno ng medical supplies sa Pharmally ay hindi mangyayari ng walang basbas ng Pangulo.
Ito ang isa sa nilalaman ng partial o preliminary report ng Senate Blue Ribbon Committee hinggil sa serye ng imbestigasyon sa nakikitang iregularidad sa pagbili ng procurement service ng Department of Budget and Management sa Pharmally ng mga pandemic supplies.
Ayon kay Blue Ribbon Committee Chairman Senator Richard Gordon, pinagayan ng Pangulo ang kanyang mga kaibigan na magpakasasa sa pondo ng gobyerno o para halos matuyo ang kaban ng bayan.
Isa rin sa inisyal na findings ng Blue Ribbon ay nagkaroon ng favoritism kung saan naging favorite ang Pharmally na nakakuha ng mula P8-B hanggang P11-B halaga ng kontrata.
Malinaw din anya ang kasong Perjury laban sa ilang Pharmally Official tulad nina, Lincon Ong at Krizle Grace Mago at laban kay Dating Presidential Economic Adviser Michael Yang.
Samantala tulad ng inaasahan no show uli sina Health Secretary Francisco Duque sa pang 12 pagdinig dahil sa umiiral na memoramdum order na nagbabawal sa mga cabinet member na dumalo sa Blue Ribbon Committee Hearing. —sa ulat ni Cely Ortega Bueno (Patrol 19)