Umabot na sa 40 empleyado ng Philippine Ports Authority sa Head office nito sa Maynila ang nagpositibo sa COVID-19 sa gitna ng panibagong surge ng naturang sakit.
Inihayag ni P.P.A. Vice Chairman at General Manager Jay Santiago na pinauwi sa kani-kanilang bahay ang mga tauhan nila upang mag-isolate matapos magpositibo sa Antigen test kahapon.
Bukod sa mga P.P.A. personnel, 17 namang empleyado ng MRT-3 ang tinamaan din ng COVID-19.
Ito, ayon kay MRT-3 Director for Operations Michael Capati, ay matapos ang isinagawang Mass Antigen test sa kanilang depot.
Nakatakda namang sumailalim sa confirmatory RT-PCR test ang mga naturang empleyado ngayong araw.
Samantala, 87 ring tauhan ng Philippine National Railways ang nag-positibo sa COVID-19 sa isinagawang Antigen test at pinauwi na para i-isolate.
