Pumanaw ang Assistant Commander ng 1st infantry division ng Philippine Army na si B/Gen. Bagnus Gaerlan Jr. dahil sa COVID-19.
Ito ang kinumpirma ng Armed Forces of the Philippines (AFP) matapos bawian ng buhay ang heneral sa Pagadian City Hospital kaninang umaga.
Gayunman, tumanggi nang magbigay ng iba pang detalye si AFP Spokesman, Col. Ramon Zagala hinggil sa pagpanaw ng heneral.
Kasunod nito, nagpaabot ng pakikiramay ang pamunuan ng AFP sa naulilang pamilya ni Gen. Gaerlan at tiniyak ang angkop na tulong para sa kanila.
Bago naging Assistant Commander ng 1st I.D. ay naging Commander muna si Gaerlan ng 102nd infantry brigade ng Philippine Army.
