Handa ang Department of Interior and Local Government (DILG) na mag-abot ng tulong sa mga maaapektuhan ng granular lockdowns.
Gayunman, nilinaw ni DILG Undersecretary Jonathan Malaya na ang rekomendasyon ng ahensya ay nakadepende sa pagsang-ayon ng Inter-Agency Task Force.
Maglalaan anya ang gobyerno ng tulong para sa food packs sa pamamagitan ng Department of Social Welfare and Development (DSWD).
Nanawagan naman ang DILG official sa Local Government Units (LGU) na gamitin ang kanilang contact tracers na dapat maging aktibo partikular sa mga lugar na nasa ilalim ng lockdowns.—sa panulat ni Drew Nacino
