Patay ang mag-ama matapos umanong manlaban sa mga awtoridad na magsisilbi sana ng search warrant sa Sitio Toka, Barangay Macasendeg, Pikit, Cotabato.
Ayon sa PDEA o Philippine Drug Enforcement Agency – Cotabato, kasama nilang magsisilbi ng search warrant sa mga suspek ang Philippine National Police at Armed Forces of the Philippines.
Kinilala ang mag-ama na sina Ronnie at Banji Mangansakan na nakuhanan ng nasa 200 gramo ng hinihinalang shabu na nagkakahalaga ng P1.3 million.
Bukod sa pagiging target listed drug personality ng dalawa, wanted din umano ang mga ito dahil sa kasong murder at frustrated murder.
Arestado naman ang kanila umanong kasama na si Gutires Antipolo, 52, isang pump boat operator.
