Sumampa na sa mahigit 15,000 ang kabuuang bilang ng mga healthcare workers na tinamaan ng COVID-19 sa bansa.
Batay sa datos ng Department of Health (DOH), mayorya sa mga tinamaan ng COVID-19 sa naturang hanay ay mga nurse na sinundan naman ng mga doktor.
Mula sa nasabing bilang, nasa mahigit 14,000 sa mga ito ang gumaling sa sakit dulot ng virus habang nasa 244 naman ang aktibong kaso.
Isandaan at animnapu’t pito (167) rito ang mild cases, nasa 54 ang asymptomatic, 10 ang severe, walo ang nasa kritikal na kundisyon habang lima ang nasa moderate condition.
Samantala, aabot naman na sa 85 ang bilang ng mga nasawi makaraang magupo ng COVID-19.
