Inaprubahan na sa ikatlo at huling pagbasa ng mababang kapulungan ng kongreso ang panukalang Magna Carta para sa out-of-school youth o iyong mga kabataang di nakapag-aaral, sa botong 246.
Sa ilalim ng panukalang batas, kikilalanin at itataguyod ang karapatan ng mga ng kabataan upang makatulong sa pagpapa-unlad ng bansa partikular na dito ang suporta sa edukasyon, karapatan at kanilang sariling pag-unlad.
Sa oras na maisabatas ang panukalang batas, bubuo ng mga program ang National Youth Commission , Commission on Human Rights, at iba pang ahensya ng gobyerno upang maprotektahan ang mga out-of-school youth laban sa anumang uri ng diskriminasyon, at sa pagtataguyod ng kanilang karapatan para sa kanilang pag-unlad. - sa panulat ni Raiza Dadia
