Magsisimula na ang “mini” roll-out ng vaccination program sa ilang bahagi ng National Capital Region (NCR) ngayong araw.
Kabilang sa mga ospital na babahagian ng bakunang kontra coronavirus disease 2019 (COVID-19) ng Sinovac vaccines ay ang lungsod ng Pasig, Pasay, Taguig, Quezon City at Manila.
Ito ang inihayag ni vaccine czar Secretary Carlito Galvez sa lingguhang ulat sa bayan ni Pangulong Rodrigo Duterte.
Ayon kay Galvez, marami ang nagbigay suporta matapos mabakunahan ang ilang health workers at opisyal ng gobyerno sa Philippine General Hospital, kahapon.
Sa kabila ng pag-aalinlangan ng ilang rehiyon, maraming local government units ang nais makatanggap ng bakuna kontra COVID-19. —sa panulat ni Rashid Locsin
