Inaasahang haharap bilang testigo si dating Senator Antonio Trillanes IV sa impeachment trial ni Vice President Sara Duterte.
Ayon kay Deputy Speaker Paolo Ortega V, tatalakayin ni Trillanes ang resulta ng sarili niyang imbestigasyon sa umano’y hindi maipaliwanag na yaman ng bise presidente.
Sinabi ni Ortega na magiging mahalaga ang testimonya ni Trillanes dahil matagal na nitong sinusuri ang financial situation ng pamilya Duterte.
Hindi naman muna inihayag ni Ortega ang pagkakasunod-sunod ng mga testigong haharap para sa ikalawang impeachment article.
