Arestado ang tatlong drug suspects, kabilang ang isang menor de edad, sa ikinasang anti-drug operation sa Baguio City.
Kinilala ni Baguio City Police Office director Col. Allen Rae Co ang mga suspek na sina Michael de Guzman, Cyrille de Guzman, at isang 17-anyos na estudyante.
Ayon kay Co, ang mga naaresto ay pawang mga high-value targets at kabilang sa top 10 illegal drug personalities ng Philippine Drug Enforcement Agency o PDEA sa rehiyon.
Nasabat mula sa mga suspek ang ilang sachets ng umano’y shabu na tinatayang nagkakahalaga ng higit 80,000 pesos; pinatuyong dahon ng marijuana; isang .22 caliber pistol; mga bala, at drug paraphernalia.
Mahaharap ang mga suspek sa kasong paglabag sa Comprehensive Dangerous Drugs Act.
