Patay ang tatlo katao habang nasa 34 na iba ang naospital sa naganap na diarrhea outbreak sa munisipalidad ng Jose Abad Santos sa Davao Occidental.
Ayon kay Roger Deloy ng Jose Abad Santos Municipal Disaster Risk Reduction and Management Office, nagmula lahat ng 34 na naospital sa barangay Butuan.
Kanila naman aniyang hinihinala na ang suplay ng tubig sa lugar ang dahilan ng diarrhea outbreak lalo’t karamihan aniya sa mga residente ay sa kalapit na sapa o poso kumukuha ng inuming tubig.
Sinabi ni deloy, kasalukuyan nang sinusuri ng regional health unit ang kalidad ng tubig sa lugar.