Mga Pinoy abroad na nagpositibo sa COVID-19 sumampa na sa 11,149 —DFA
Isa na namang kababayan natin sa labas ng bansa ang tinamaan ng coronavirus disease 2019 (COVID-19).
Dahil dito, ayon sa Department of Foreign Affairs (DFA), sumampa na sa 11,149 ang kabuuang bilang ng impeksiyon sa hanay ng mga Pinoy abroad.
Sa pinakahuling case bulletin, nananatili naman sa 7,199 ang total recoveries habang nakapako rin sa 812 ang death toll dahil walang bagong nadagdag sa naturang bilang.
