Nais palakasin ni Sen. Sherwin Gatchalian ang paggamit sa telebisyon para sa pagtuturo ng mga kumplikadong aralin ng mga estudyante.
Ito’y makaraang mapansin ni Gatchalian na nahihirapan ang mga estudyante sa mga kumplikadong asignatura sa ilalim ng self learning modules.
Ayon sa senador na siyang chairman din ng committee on basic education na makatutulong ang paggamit ng video materials upang mas mapaliwanag ng maigi ang tamang sagot sa mga nakasaad na katanungan sa modules.
Mas maraming mag-aaral din aniya ang may telebisyon sa kani-kanilang mga tahanan kaysa sa internet kaya’t mas maraming maaabot nito kung palalakasin ang paggamit nito sa distance learning.
