Makakakuha ng 100,000 tax credit ang mga hotel, motel at dormitoryo na nagbigay ng free lodging para sa mga health care workers sa Maynila sa kasagsagan ng enhanced community quarantine.
Batay ito sa City Ordinance 8646 na pirmado ni Manila Mayor Isko Moreno.
Ang nasabing tax credit ayon kay Moreno ay maaaring i-claim sa loob ng tatlong taon mula sa petsa nang pagkakapasa ng ordinansa.
Una nang nagpalabas ng Executive Order 17 si Moreno na nanawagan sa mga establishment sa Maynila na bigyan ng disenteng matutulugan ang mga frontliner.
