Pasok ang anim na kumpanyang Pinoy sa listahan ng world’s best employers ng Forbes Magazine.
Kabilang dito ang Ayala Corporation na nasa ika-18 puwesto, BDO Unibanc Incorporated na nasa ika-33 puwesto, Metro Bank na nasa ika-69 na puwesto, Aboitiz Equity Ventures na nasa ika-320 na sinundan ng Manila Electric Corporation o MERALCO at SM Investments na nasa ika-448 puwesto.
Ang mga empleyado mula sa iba’t ibang panig ng mundo ay inatasang i-rate ang kanilang mga employer kung ito ba ay kanilang irerekomenda para pasukan din ng kanilang mga kakilala, kaibigan at kaanak.
Samantala, nanguna sa listahan ng world’s best employers ang computer service giant na Alphabet.
Pasok naman sa top ten ang mga kumpanyang Microsoft, Japa Exchange Group, Apple, Noble Energy, Daimler, Wiliams, IBM, Investor AB at LG Corporation.
—-
