Patay ang isang doktor at isang balikbayan dahil sa COVID-19 sa Pangasinan.
Kinilala ang doktor na si Dr. Henry Fernandez, 77 anyos residente ng Bayambang Town.
Ayon kay Dr. Anna De Guzman, Pangasinan Health Officer, nakuha ni Fernandez ang respiratory disease sa mga bisita nito mula sa US.
Nasawi umano si Fernandez sa Lung Center of the Philippines noong March 20.
Ayon naman kay Pangasinan Gov. Amado Espino, nakakuha rin ng sakit ang 70 anyos na balikbayan ngunit hindi ito malinaw kung isa ito sa mga bumisita kay Fernandez na mula sa US.
Kasabay nito, nanawagan si Espino na nangangailangan ng karagdagang test kits para sa mga residente ng Pangasinan upang matukoy kung sino ang kailangan nang maihiwalay para hindi na kumalat pa ang sakit.
