Natagpuan ng isang residente ang isang vintage bomb sa Brgy. Sipay, Ilagan City, Isabela.
Ayon sa Ilagan City PNP, nakatanggap sila ng tawag mula sa isang nagngangalang Alvie Bauit kungsaan ipinaalam nito ang kanyang natagpuang vintage bomb sa loob ng kanilang compound.
Sa imbestigayson ng pulisya, napansin ni Bauit ang kanyang menor de edad na pamangkin na walang kamalay-malay sa panganib na maaring idulot ng pinaglalaruan nitong vintage bomb.
Agad umano itong pinatigil ni Bauit at mabilis na tumawag sa mga otoridad.
Dinala naman sa himpilan ng pulisya ang natagpuang bomba para sa kaukulang disposisyon.
