Kahalagahan ng pribadong sektor.
Ito ang binigyang diin sa idinaraos na SME o Small and Medium Enterprise Meeting sa APEC.
Sinabi ni DTI Undersecretary Zenaida Maglaya na mahalaga ang pribadong sektor sa pagpapalago ng micro, small and medium enterprises.
Ang pribadong sektor aniya ang daan para sa mas malawak na merkado sa mga maliliit na negosyante at makakatulong din sa pagbibigay ng kapital o puhunan sa maliliit na negosyo.
Kasabay nito, tiniyak ng DTI ang pagbibigay ng tulong sa maliliit na negosyo sa Western Visayas kabilang na ang pagpapalago ng negosyo sa mga sikat na mango at cashew products sa Guimaras.
By Judith Larino