Pinaghahanap na ng mga awtoridad ang 11 youth offenders makaraang tumakas mula sa isang reformation center sa Barangay Kalunasan sa lungsod ng Cebu.
Ayon sa Cebu City Police Office, inaalam pa nila ang pagkakakilanlan ng mga nakatakas na menor de edad.
Batay sa blotter report ng pulisya, naghahain ng pagkain ang ilang staff ng Operation Second Chance nang atakehin sila ng mga bata bago nagsitakas sa pamamagitan nang pagtalon sa gate.
Hinihinalang kulang sa personnel ang pasilidad na nagbabantay sa halos 200 kabataan kaya nakatakas ang mga ito.
Patuloy ang imbestigasyon sa insidente.
