Natagpuan ang isang kilo ng cocaine na palutang lutang sa dalampasigan ng San Jose, Camarines Sur.
Ayon sa mga otoridad, nakuha ng mangingisdang si Zaldy Delfino ang naturang iligal na droga na nakalagay sa isang plastic bag.
Isinuko ng mangingisda ang iligal na droga at agad din naman itong sinuri ng Camarines Sur Crime Laboratory kung saan napatunayan na cocaine nga ang naturang kontrabando.
Bago ito, bloke-bloke na rin ng iligal na droga ang nakuha sa karagatan na bahagi ng Camarines Norte.
