Nasabat ng Optical Media Board (OMB) ang libo-libong desktop computers at laptop sa isinagawang raid sa isang bodega sa Marilao, Bulacan.
Ayon kay OMB Chairman Christian Natividad, patong-patong na computers na nakakahon pa ang tumambad sa kanila sa naturang warehouse na kanilang sinalakay.
Tila gamit na umano ang mga computer na ito at pinapatungan lang ng mga stickers na kanila rin natagpuan sa bodega para magmukhang bago.
Aabot sa 5,000 desktop computers at 8,000 laptop ang nasamsam ng mga otoridad.
Samantala, sa halip na durugin plano ng OMB na i-donate na lamang ang mga ito sa mga estudyanteng nangangailangan ng kagamitan para sa kanilang pag-aaral ngayon na blended learning ang umiiral.
