Nilinaw ng Jollibee Food Corporations o JFC na regular na ang kanilang lahat ng empleyado ngayon.
Ayon kay JFC Chairman Tony Tan Caktiong, wala na silang empleyado na natatapos ang kontrata kada ika-6 na buwan sa lahat ng kanilang branches saan mang panig ng bansa.
Giit pa ni Caktiong, tinigilan na nila ang kontraktwalisasyon sa kanilang fastfood chain.
Una rito, kabilang ang Jollibee sa 20 kumpaniya na umiiral ang labor-only contracting batay sa inilabas ng Department of Labor and Employment.
