Posibleng pagpasyahan na ng Malolos RTC o Regional Trial Court ang mga isinampang kasong kidnapping at serious illegal detention laban kay dating Maj/Gen. Jovito Palparan.
Ito’y makaraang tapusin na ng Korte ang paglilitis kay Palparan kaugnay ng pagkawala ng dalawang UP students na sina Sherlyn Cadapan at Karen Empeño sa Hagonoy, Bulacan nuong 2006.
Ayon kay Assistant State Prosecutor JP Navera, dahil tapos na ang paglilitis, kapwa maghahain nanaman ng memoranda ang dalawang panig bago gawin ng Korte ang hatol nito laban sa dating AFP official.
Maliban kay Palparan, nahaharap din sa kaparehong kaso ang mga kapwa opisyal ni Palparan sa Philippine Army na sina Lieutenant Colonel Felipe Anotado at Master Sergeant Edgardo Osorio.
Posted by: Robert Eugenio
