Nagtataka ng Malacañang sa tila pagtatago ng Office of the Ombudsman sa resulta ng pagsisiyasat nito hinggil sa mga umano’y ill-gotten wealth o mga tagong yaman ni Pangulong Rodrigo Duterte.
Aminado si Presidential Spokesman Harry Roque na sumama ang kanilang loob dahil tila sinasadyang buhayin pa ng Ombudsman ang isang usaping matagal nang patay at pilit pa ring binubuhay ni Senador Antonio Trillanes IV sa Senado.
Gayunman, sinabi ni Roque na ipinauubaya na nila sa Senado ang pag-iimbestiga sa reklamo ni Trillanes laban sa Pangulo gayundin sa anak nitong si Davao City Mayor Sarah Duterte – Carpio.
Magugunitang inihayag ni Senate Committee on Banks and Financial Institutions Chairman Francis Chiz Escudero na bukas silang imbestigahan ang reklamo ni Trillanes upang malaman ang totoo sa naturang alegasyon.
Ulat ni DWIZ Patrol Reporter Jopel Pelenio
Posted by: Robert Eugenio
