Naniniwala si Senador Panfilo Lacson na dapat nang makialam ang Senado sa ginawang panghihimasok ng China sa Benham Rise.
Ayon kay Lacson , dapat na maimbestigahan ang ginawang pagpapahintulot ng gobyerno sa China para magsagawa ng ‘scientific research’ sa nasabing isla.
Dagdag pa ni Lacson , sa pamamagitan ng gagawing imbestigasyon ay maiiwasan din ang nangyaring sitwasyon sa Scarborough Shoal at West Philippine Sea na pawang inaangkin din ng China.
Kasabay nito , nanawagan si Senador Bam Aquino na repasuhin na ang ‘foreign policy direction’ ng administrasyon partikular na ang pakikitungo at pakikipagkasundo nito sa China kaugnay sa mga pinag – aagawang isla.
