Nagpasalamat si bagong Department of Interior and Local Government o DILG Officer in Charge Eduardo Año sa Pangulong Rodrigo Duterte sa kanyang appointment.
Binigyang diin ni Año na ikinagagalak niya ang tiwala sa kanya ng Pangulo lalo na’t nais niya rin namang makatulong upang magkaroon ng pagbabago at maisulong ang mga programa ng gobyerno para mapaunlad ang buhay ng mga Pilipino.
Kasabay nito, nanawagan din si Año sa mga miyembro ng Team DILG na tuparin ng mabuti ang kanilang tungkulin at magbigay ng magandang serbisyo sa publiko.
Umapela rin si Año ng suporta at pang-unawa sa publiko habang tinututukan at kinakaharap ng Team DILG ang mga hamon sa kanilang misyon.
—-
