Muli na namang nagpakawala ng biro si Pangulong Rodrigo Duterte habang ipinagtatanggol nito ang war on drugs ng pamahalaan.
Sa kaniyang talumpati sa Anti-Corruption Summit na inorganisa ng VACC o Volunteers Against Crime and Corruption, nagbigay ng reaksyon ang Pangulo sa pagbibigay ng rosaryo ni Pope Francis kay Senadora Leila de Lima.
Giit ng Pangulo, kung makikita lamang ng Santo Papa ang video ni De Lima, posible aniyang magbago ang tingin nito sa mambabatas at umalis sa pagka-papa.
Bagama’t hindi tinukoy ng Pangulo kung anung video ang kaniyang binabanggit, magugunitang sinabi noon ng Punong Ehekutibo na mayroon umanong sex video si De Lima sa kaniyang driver/bodyguard na si Ronnie Dayan.
—-
